Rusia ka humbur më shumë se 3 mijë tanke gjatë pushtimit të saj të ukrainës dhe shifra është ekuivalente e inventarit të plotë aktiv të saj të paraluftës. Por, ajo ka ende mjete të blinduara të një cilësie më të dobët në magazina, të mjaftueshëm për të zëvendësuar humbjet. Ukraina në anën tjetër ka pësuar humbje të rënda që nga fillimi i pushtimit, por furnizimet me armë nga perëndimi e kanë lejuar të mbajë gjallë inventarët e municioneve duke rritur madje edhe cilësinë – thotë instituti ndërkombëtar për studimet strategjike me seli në londër. “Moska ka qenë në gjendje të këmbejë cilësinë me sasinë, duke nxjerrë me mijëra tanke të vjetra nga magazinat në një shkallë, që në kohë të caktuara, ka arritur në 90 tanke në muaj”, thotë raporti që shërben edhe si një mjet referimi të rëndësishëm për analistët e mbrojtjes. Inventarët e rusisë, tregojnë se moska me gjasë mund të përballojë edhe rreth tre vite të tjera humbje të rënda dhe të furnizojë frontin me tanke nga magazinat, me një standart teknik më të ulët por ndërkohë vazhdon të prodhojë pajisje të reja.