Një lojtar misterioz ka vënë bast 400 mijë dollarë që Vladimir Putini do të rrëzohet deri në fund të vitit nga pushteti. Lojtari, i cili ka një flamur ukrainas si foto të profilit në tregun e parashikimeve Polymarket, ka vënë bast 409,000 dollarë që presidenti rus që është në pushtet prej 26 vitesh nuk do të jetë në krye deri në fund të dhjetorit. Probabiliteti është vetëm 12 përqind, kështu që nëse parashikimi i tij rezulton i saktë, do të fitojë deri në 2.6 milionë dollarë. Lojtari, i është bashkuar Polymarket në prill dhe gjithashtu ka vënë bast më shumë se 60,000 dollarë që Ukraina do të rimarrë Krimenë deri më 31 dhjetor dhe pothuajse 5,000 dollarë që Kievi të nënshkruajë një marrëveshje paqeje deri më 31 gusht. Tregjet e parashikimit, si Polymarket, kanë parë një rritje të vëllimit gjatë konflikteve të fundit globale. Edhe pse një rënie e afërt nga pushteti e Vladimir Putinit konsiderohet shumë e pamundur, ka shenja se regjimi i tij dikur i pathyeshëm mund të jetë nën presion, ndërsa Ukraina fillon të ketë epërsinë në fushën e betejës. Këtë javë, një sondazh në Rusi zbuloi se mbështetja për Putinin po binte me ritmin më të shpejtë që kur ai nisi pushtimin e plotë të Ukrainës në vitin 2022. Kjo vjen pas muajsh raportime se mbështetja për Putinin në publik ka rënë ndjeshëm. Ankesat e publikut besohet se lidhen me inflacionin e lartë, sulmet ukrainase në thellësi të territoit rus, mungesa e karburantit si pasojë e këtyre sulmeve dhe ndërprerjet e internetit. Një studim nga Instituti për Studime dhe Analiza të Konflikteve të Rusisë pohoi këtë javë se tetë në dhjetë persona në Rusi mbështesin përfundimin e luftës "që nesër".