Rastësia mund t’i ketë dhënë një goditje të fortë Vladimir Putinit në përpjekje për të mbajtur federatën ruse të bashkuar, sidomos në Kaukaz, ku ëndrra për pavarësi mbahej nën kontroll nga diktatorët lokalë të kontrolluar prej Kremlinit. Goditja mund të mbërrijë nga Çeçenia, ku aleati besnik i Vladimir Putin, Ramzan Kadyrov ka drejtuar republikën e vogël me dorë të hekurt prej vitesh tashmë. Kadyrov është në gjendje të rëndë shëndetësore dhe ndodhet i shtruar në spital. Prej kohësh ai vuan nga insuficiencë renale dhe, sipas burimeve ukrainase, gjendja e tij është përkeqësuar ndjeshëm që prej dhjetorit. Situata komplikohet edhe më shumë për Putin nga fakti se djali i tij 18-vjeçar, Adam Kadyrov, i konsideruar trashëgimtari i regjimit dhe tashmë i emëruar ministër i Brendshëm, ndodhet në terapi intensive pas një aksidenti shumë të rëndë automobilistik. Sipas disa zërave, ai është transportuar me urgjencë në Moskë. Nervozizmi në Kremlin është në nivele të larta, pasi suksesi dinastik i regjimit totalitar çeçen është tani në pikëpyetje.