Rusët të tmerruar kanë dalë nëpër rrugë, në protesta kundër dërgimit në vijën e frontit në Ukrainë, pasi Vladimir Putin urdhëroi mobilizimin e rezervistëve në një përshkallëzim dramatik të luftës. Afro 1300 demonstrues me pankarta në duar ku shkruhej “jo mobilizimit” e që lëshonin slogane anti luftë, u tërhoqën zvarrë nga policë të armatosur që përpiqeshin të shtypnin zemërimin në të gjithë vendin ndërkohë që me mijëra të tjerë po tentojnë dëshpërimisht të largohen nga vendi. Mosbindja dhe eksodi, janë ndezur nga frika se kufijtë e rusisë mund të mbyllen shpejt ose se një mobilizim i plotë mund të pasojë cka do të bënte që të shumë meshkuj në moshë lufte, të cohen në fushëbetejë. Protesta pati edhe në Siberi, me demonstruesit që rrezikojnë burgun nën ligjet e ashpra që ndalojnë kritikat për forcat e armatosura dhe akoma më shumë zemërim pritet në vijim edhe në Moskë dhe Shën Pjetërburg. Një protestues u arrestua në Novosibirsk pasi thirri para policisë dhe oficerëve të FSB-së në një tubim: Nuk do të shkoj të vdes për Putinin! Zemërimi ka shpërthyer edhe në mediat sociale dhe një fjalë e re madje është shpikur për të përshkruar ferrin, portat e të cilit ka hapur Putini’ Mogilisation, që vjen nga fjala ruse Mogila, që do të thotë varr. Sipas protestuesve, varri është fati që pret mijëra rusë që janë thirrur nën armë.