Ekonomia britanike do të tkurret dhe do të ketë një performancë më të keqe se ekonomitë e tjera të përparuara, madje edhe më të keqe se rusia, ndërkohë që kostoja e jetesës vazhdon të rëndojë mbi ekonomitë familjare – tha fondi monetar ndërkombëtar. FMN nënvizoi se ekonomia në britani do të kontraktohet me 0.6 për qind në 2023, në vend që të rritet lehtë sic ishte parashikuar më parë. Sidoqoftë, Fondi Monetar ndërkombëtar thotë edhe se mendon se britania e madhe tani është në rrugën e duhur. Kancelari Jeremy Hunt tha se Britania e madhe kishte përmbysur shumë parashikime vitin e kaluar. POr, kancelari hije, Rachel Reeves tha se shifrat tregojnë se Britania e Madhe qëndron shumë prapa ekonomive të tjera të mëdha. FMN që punon për të stabilizuar rritjen ekonomike, tha se kishte korrigjuar parashikimet e saj për britaninë e madhe për shkak të cmimeve të larta të energjisë, rritjes së kostos së huasë dhe rritjes së taksave, por kishte marrë parasysh edhe mungesën e fuqisë punëtore. FMN nuk përmendi brexitin në raport, si një faktor të mundshëm për performancën e papëlqyer të britanisë së madhe. Si sot tre vjet më parë, britania e madhe doli nga Bashkimi Evropian. Sidoqoftë, Britania do të jetë vendi i vetëm që do të tkurret këtë vit, mes gjithë ekonomive të tjera të mëdha e madje edhe rusia e goditur nga sanksionet parashikohet të shënojë rritje këtë vit. Nëse ekonomia e një vendi tkurret, kjo do të thotës e kompanitë sigurojnë më pak para dhe numri i të papunëve rritet.