Gjeneralët ukrainas paralajmëruan se u kanë mbaruar rezervat për të ndalur sulmin tronditës të Rusisë në Kharkiv. Kjo vjen ndërsa Vladimir Putin grumbullon më shumë se gjysmë milioni trupa në vijën e frontit në një përpjekje për të mposhtur forcat e Ukrainës. Ushtria e Ukrainës ka pranuar se po përpiqet të frenojë përparimin në verilindje të vendit. Gjenerali Kyrylo Budanov, shefi i inteligjencës ushtarake të Kievit tha: “Kemi përdorur gjithçka që kishim në dispozicion. Për fat të keq, ne nuk kemi asnjë rezervë tjetër”. Trupat e Putinit kanë kapur disa kilometra tokë në përparimet e tyre më të shpejta në muaj të tërë. Blitzi që thuhet se është faza e parë e ofensivës verore të Rusisë, është konceptuar që të stërmundojë mbrojtësit e Ukrainës. Kievi tha se avancimi rus duket se ishte ndalur një natë më parë, por, përballë forcës prej 500,000 trupash të Putinit, paralajmëroi se kjo mund të ndryshojë shpejt. Ekspertët e luftës thonë se nëse Ukraina nuk do të mundet të grumbullojë më shumë trupa, perspektiva e saj është e zymtë pasi Rusia ka "epërsi numerike të konsiderueshme. E ndoshta vendet aleate do të duhet të plotësojnë rezervat. Ukraina nuk mund të godasë forcat ruse që grumbullohen pak përtej kufirit, sepse SHBA-ja e ka ndaluar të përdorë armët e saj si raketat Himars, në territorin armik. Dhe ekspertët besojnë se kjo i ka lejuar rusët që të rigrupohen lirshëm. Armët e SHBA-së janë të vetmet që mund të thyejnë forcat ruse, por ato sapo kanë nisur të mbërrijnë në vijën e frontit. Presidenti ukrainas, Volodimir Zelenski u takua një ditë më parë në Kiev me sekretarin amerikan të shtetit, Antoni Blinken, i cili premtoi se rusia do të detyrohet të paguajë për ndërtimin e vendit të tij.