Kremlini tha të mërkurën se vladimir Putin dhe Donald Trump kishin rënë dakord të takoheshin dhe Putin e kishte ftuar Trumpin të vizitonte Moskën. Por një udhëtim i tillë do të ishte një nxitje e madhe për presidentin rus, i cili përballet me një urdhër arresti nga Gjykata Penale Ndërkombëtare për veprimet e tij në Ukrainë. Vetë trump tha se pas telefonatës së një dite më parë se do të takohej me presidentin rus për të diskutuar një zgjidhje për dhënien fund luftës në Ukrainë. Takimi ndoshta do të zhvillohet në Arabinë Saudite "në një të ardhme jo shumë të largët", tha Trump në Shtëpinë e Bardhë. "Kryesisht jam marrë vesh me presidentin Putin, gjatë bisedës, ndërsa në fund ne duam të takohemi”, tha Trump. "Herën e parë do të takohemi në Arabinë Saudite, do të shohim nëse mund të bëjmë diçka," tha ai. Më vonë mund të ketë vizita të ndërsjella mes të dyve në vendet përkatëse. Sidoqoftë, presidenti republikan nuk dha një datë për një takim të mundshëm.