Presidenti rus Vladimir Putin ka miratuar një buxhet të fokusuar tek lufta për periudhën 2025-2027, një dokument ky i publikuar në faqen e akteve ligjore zyrtare të dielën. Buxheti i shtetit për vitin e ardhshëm përfshin një rritje prej 25 për qindësh të shpenzimeve ushtarake, por shifra e vërtetë do të jetë më sekreti më i madh në historinë post-sovjetike, “me pothuajse një të tretën e të gjitha shpenzimeve që janë të mbyllura për shqyrtimin publik. Qeveria ka pranuar se nevojat e atij që Moska e quan operacionin e saj special ushtarak në Ukrainë dhe mbështetja për ushtrinë do të mbeten prioritet buxhetor krahas nevojave sociale dhe zhvillimit teknologjik. Qeveria e ka paraqitur projektbuxhetin e saj, si të “balancuar”, ku deficiti bie në 0.5% kundrejt deficitit të parashikuar të këtij viti prej 1.7 përqindësh dhe borxhi shtetëror mbetet nën kufirin 20% për tre vitet e ardhshme. Rusia është vendosur nën sanksione të ashpra perëndimore që nga fillimi i pushtimit të ukrainës, në shkurt 2022, por pasojat e këtyre sanksioneve nuk kanë qenë ato që perëndimi kishte imagjinuar, pavarësisht se ekonomia ruse është dëmtuar dhe jeta e rusëve është bërë më e vështirë. Sidoqoftë, moska ka mundur të gjejë burime dhe tregje alternative, për të plotësuar deri diku boshllëqet e shkaktuara nga bllokada e perëndimit dhe për të mbajtur në lëvizje makinerinë e saj të luftës.