Një grua që pretendon prej dekadash se është nëna e Vladimir Putinit, është ndarë nga jeta në varfëri në moshën 97 vjecare. Vera Putina kishte rrëfyer më herët se Putini ishte djali i saj dhe se kishte lindur si pasojë e një marrëdhënieje me një burrë të martuar, një version i historisë ky që u shtyp totalisht nga presidenti rus. Mediat britanike, shkruajnë se pavarësisht përpjekjeve të Putinit për ta mbajtur të fshehur nënën e tij, Vera Putina, kishte foto të të birit, në moshë të hershme. Vera ishte nga një fshat i vogël dhe i varfër në ish Gjeorgjinë sovjetike dhe pretendonte se presidenti rus ishte një djalosh i vogël i palumtur me të cilin ajo ishte ndarë për të mos e parë më, në moshën 10 vjecare. Rrëfimet e saj po ashtu flisnin edhe për një fëmijëri traumatike, cka mundet edhe në një farë mënyrë të shpjegojë qëndrimin e ashpër të carit të kremlinit. Në një intervistë ekskluzive për The Sun, para vdekjes, ajo tregon edhe pikëllimin për faktin se burri për të cilin ajo ishte bërë shumë krenare, kohë më parë, nuk e kishte pranuar asnjëherë të vërtetën. Sidoqoftë, rrëfimi i saj bie ndesh me historinë zyrtare të presidentit Putin, i cili thotë se prindërit e tij ishin Vladimir Putin i vjetri dhe Maria Shelomova. Versioni zyrtar i kremlinit është se Putin ka lindur në 1952 në Leningrad dhe se ishte djali i tretë i ciftit. Vëllai i tij albert, i lindur në vitet 1930 kishte vdekur foshnjë dhe vëllai tjetër Viktor, i lindur në 1940-ën, kishte vdekur nga uria në 1942-shin, gjatë rrethimit të leningradit. Ndërkohë që në të shkuarën e Putinit, ka edhe plot vakuume të dyshimta, që i japin vlerë pretendimeve të Verës se lideri rus, është dy vjet më i madh nga mosha e treguar, fëmijë i paligjshëm dhe jo rus. Ajo ka treguar se i kishte vënë të birit nofkën Vova dhe fëmijërinë ai e kishte kaluar në fshat. Në vitet e para të tij, i biri kishte qenë i terrorizuar dhe neglizhuar nga njerku i tij, Georgi, pasi ajo ishte martuar. Në moshën 10 vjecare, ajo thotë se djalin e kishte dërguar tek gjyshërit në Ochyor të Rusisë, dhe ai nuk ishte kthyer më kurrë që andej. Të dhënat nga arkivat lokale, tregojnë se një Vladimir Putin ka qenë i regjistruar në shkollën e fshatit Metekjhi në Gjeorgji, nga 1959 deri në 1960-ën, dhe se kishte lindur si gjeorgjian, jo si rus.