Raketat ruse kanë goditur përsëri kryeqytetin ukrainas, Kievin, në orët e para të dielës, në sulmin e tretë “masiv” në këtë qytet në katër ditët e fundit. Serhiy Popko, udhëheqës i administratës ushtarake të Kievit, tha në platformën Telegram se aktualisht nuk ka raportime për viktima. Sulmet në kryeqytet kanë zgjatur rreth dy orë. Raketat ruse kanë goditur edhe rajonin perëndimor të Lvivit, duke nxitur Poloninë, vend anëtar i NATO-s, që të rrisë alarmin në mbrojtjen e saj ajrore.