Volodymir Zelenskey zbarkoi në Holandë mbrëmjen e të mërkurës, në një udhëtim të paparalajmëruar, teksa të enjten u ndal në një vizitë në GJykatën Ndërkombëtare të Hagës. Presidenti Ukrainas udhëtoi nga Finlanda me një avion të qeverisë holandeze dhe nga Amsterdami për në Hagë u shoqërua nga një autokolonë e policisë vendase. Në fjalën e mbajtur në Hagë, Zelensky tha se pikërisht në këtë gjykatë dëshiron të shohë Vladimir Putinin duke dhënë llogari për krimet që ka kryer ndaj njerëzve në Ukrainë. “Ne të gjithë duam të shohim një Vladimir Putin tjetër, këtu në Hagë, pasi meriton të dënohet për vepra penale të kryera kundër njerëzve në Ukrainë. Gjykimi i tij duhet të ndodhë në kryeqytetin e të drejtës ndërkombëtare dhe jam i bindur që kështu do të bëhet, kur ne të fitojmë luftën”, deklaroi Zelensky.