Kërcënimet e Vladimir Putinit për të pushtuar Baltikun dhe për të sjellë një luftë të re në Evropë duhet të merren seriozisht, ka paralajmëruar një ish-gjeneral i lartë i ushtrisë amerikane. Gjenerali David Petraeus, i cili shërbeu për gati katër dekada në ushtrinë amerikane, tha se diktatori rus "nuk do të ngopet vetëm me Ukrainën". Gjenerali amerikan në pension, Petraeus, i cili komandonte Forcat Aleate në Irak, tha se aleatët e Ukrainës në Perëndim duhet të bëjnë më shumë për të siguruar fitoren e luftës kundër Putinit. Ekspertët kanë paralajmëruar në mënyrë të përsëritur se tirani rus i ka hedhur sytë mbi më shumë objektiva, për të realizuar një ëndërr të çmendur, atë të rikrijimit të një perandorie të humbur. Dhe këtë javë, Putini paralajmëroi se do t'i japë aleatëve të tij raketa me rreze të gjatë veprimi në përgjigje të dërgimit të armëve nga Perëndimi në Ukrainë.