Presidenti rus Vladimir Putin, theksoi se Moska po zhvillon vazhdimisht një seri sistemesh të reja armësh ndërsa vuri në dukje se ato tani do të përdoren gjithnjë e më shpesh në fushat e Ukrainës. Duke folur në një konferencë të posaçme të Ministrisë së Mbrojtjes, ai u vuri në dukje oficerëve të forcave të armatosura ruse se sulmi me raketa hipersonike në Ukrainën perëndimore – në kufirin me Poloninë – është një model i përmirësuar i raketave Oreshnik që Moska duket se i ka përdorur për herë të parë para disa muajve në Dnieper. Gjatë fjalimit Putin nxorri në pah dhe objektivat. ai tha se sisteme të reja armësh do t’i shtohen arsenalit bërthamor të vendit të tij brenda vitit 2026. Duke garantuar një ekonomi të fortë dhe të pandikuar nga faktorët e jashtëm apo sanksionet, Putin njoftoi se rusia po synon të zhvillojë dhe sisteme armësh në hapësirë. Ndërsa sa i takon luftës nu Ukrainë ai tha se forcat e Rusisë po fitojnë çdo betejë në çdo front dhe se armët e NATO-s nuk janë të mjaftueshme në Kiev.