Një ministër bjellorus kishte thënë se kishte frikë se rusia mund të aneksonte vendin e tij, pas pushtimit të Ukrainës, menjëherë para se të vdiste në mënyrë të papritur. Vladimir Makei, ish ministër i jashtëm i vendit që është pozicionuar hapur në krah të Rusisë, u nda nga jeta në nëntor, në moshën 64 vjecare. Asnjë shkak zyrtar për vdekjen e tij nuk është dhënë ende. Tani, ministri i jashtëm i finlandës, Pekka Haavisto, rrëfen se cfarë ka biseduar me Makein pasi presidenti rus Vladimir Putin, në mënyrë të paligjshme, deklaroi se Rusia ka aneksuar katër rajone në Ukrainë, Luhanskun, Donetskun, Zaporizhian dhe Khersonin...më 30 shtator. Në një intervistë me tabloidin finlandez Iltalehti, të publikuar së fundmi, Haavisto tha se Makei, që ishte ministër i jashtëm që nga 2012, ishte shumë i shqetësuar se Bjellorusia mund të ishte rajoni i pestë i aneksuar. Politikani finlandez tha se ai i kishte konsideruar shqetësimet e Makeit të vlefshme. Ndërsa bjellorusia nuk është përfshirë në mënyrë direkte në pushtimin e Ukrainës, lideri i saj autokratik, Aleksander Lukashenko, lejoi trupat e Moskës të përdornin vendin e tij për të nisur sulmin fillestar mbi Kiev...