Donald Trump ka shkruar në rrjetet sociale se do të përdorë marrëdhënien e tij me presidentin rus Vladimir Putin për të liruar gazetarin e Ëall Street Journal, Evan Gershkovich, nga një burg rus. Trump shkroi në platformën e tij të medias sociale Truth Social se kjo do të ndodhte menjëherë pas zgjedhjeve të nëntorit në Shtetet e Bashkuara, ku ai po kërkon të mposhtë Presidentin Joe Biden dhe të rikthehet në Shtëpinë e Bardhë. "Evan Gershkovich, reporteri nga Ëall Street Journal, i cili mbahet nga Rusia, do të lirohet pothuajse menjëherë pas zgjedhjeve, por patjetër përpara se unë të marr detyrën. Ai do të jetë në shtëpi, i sigurt dhe me familjen e tij," tha Trump. “Vladimir Putin, presidenti i Rusisë, do ta bëjë këtë për mua, por për askënd tjetër, dhe NE nuk do të paguajmë asgjë!”, shkruante Trump. Ish presidenti nuk foli për asnjë kontakt të tij me Putinin dhe as nuk tha se çfarë arsye kishte për të besuar se udhëheqësi rus do të lironte Gershkovich. I pyetur në lidhje me komentet e tij, zëdhënësi i Kremlinit Dmitry Peskov tha se Putin " nuk ka pasur asnjë kontakt me Donald Trump". Gershkovich u arrestua në Rusi në mars të vitit të kaluar me akuza për spiunazh, të cilat ai, gazeta për të cilën punonte dhe administrata Biden, i kanë mohuar fuqishëm. Ai ka më shumë se një vit që qëndron në një burg në Moskë, pa asnjë datë të caktuar për gjyqin. Putin tha në shkurt se mund të jetë i mundur lirimi i tij në këmbim të një rusi të burgosur në Gjermani për vrasje. Gjatë presidencës së tij 2017-2021, Trump ka shprehur në mënyrë të përsëritur admirim për Putinin. Në vitin 2018, ai refuzoi të fajësonte liderin rus për ndërhyrjen në zgjedhjet e vitit 2016 në SHBA, duke hedhur dyshime mbi përfundimet e agjencive të tij të inteligjencës dhe duke shkaktuar kritika në vend. Trump ka deklaruar po ahstu së fundmi se ai do t'i jepte fund luftës në Ukrainë brenda 24 orëve pas kthimit në Shtëpinë e Bardhë.