Top News – Pushtimi nr.2! Putin mbledh 200 mijë trupa / Shefi i NATO-s paralajmëron: Nuk do ndalet!

Rusia po mbledh të paktën 200 mijë ushtarë për një sulm të ri masiv në Ukrainë – ka paralajmëruar shefi i NATO-s, Jens Stoltenberg. Madje sipas tij, nuk ka asnjë shenjë që të tregojë se Vladimir Putin po përgatitet për paqen. Ai paralajmëroi se në të kundërt, Rusia po përgatitet për më shumë luftë në prag të përvjetorit të parë të pushtimit, në fund të shkurtit. Kjo vjen në mesin e raporteve të inteligjencës që tregojnë se Putin mund të jetë duke u përgatitur për një ofensivë të re masive. Dhe është raportuar madje se ai mund të nisë një raprezalje të përgjakshme për të fituar luftën duke marrë kryeqytetin Kiev.