Kërkesat palestineze në rast të një një marrëveshjeje trepalëshe që përfshin SHBA-në, Arabinë Saudite dhe Izraelin janë rritja e financimeve dhe më shumë kontroll në Bregun Perëndimor. Zyrtarët nga Autoriteti Palestinez zhvilluan bisedime në Riad me homologët sauditë të mërkurën. Ata pritet të takohen edhe me zyrtarët amerikanë. Lista e kërkesave të tyre përfshin marrjen e Bregut Perëndimor që aktualisht është nën kontrollin e plotë izraelit, e njohur si Zona C sipas marrëveshjeve të paqes të Oslos të viteve 1990; ndërprerja e plotë e rritjes së vendbanimeve izraelite në Bregun Perëndimor, rifillimi i mbështetjes financiare saudite, e cila u ngadalësua në 2016 dhe u ndal plotësisht tre vjet më parë, në shumën prej rreth 200 milion dollarë në vit; rihapja e konsullatës amerikane në Jerusalem, që u mbyll nga Presidenti Donald Trump si dhe rifillimi i negociatave të ndërmjetësuara nga SHBA midis Izraelit dhe palestinezëve që u ndërprenë në vitin 2014 kur sekretar i Shtetit ishte John Kerry. Presidenti i SHBA Joe Biden e sheh arritjen e një marrëveshje saudite-izraelite si një tregues të progresit në politikën e jashtme, çka do i rriste pikët përpara elektoratit në zgjedhjet e vitit të ardhshëm.