Lajmi që po qarkullon në media për një urdhër të Ministrit të ri të Brendshëm, Taulant Balla, për pezullimin e lejeve të punonjësve të Policisë për muajin gusht nuk është I vërtetë. Burime për Top Neës nga Drejtoria e Përgjithshme e Policisë së Shtetit bëjnë me dije se në fakt pezillimi I lejeve është vetëm për drejtorët e Drejtorive Vendore, ku Balla ende nuk ka bërë takimin prezantues. Që prej marrjes së detyrës, Balla ka nisur një tur takimesh me të gjitha strukturat drejtuese të Policive në rrethe. Nëpërmjet një e-mail, Drejtorëve të qarqeve I është kërkuar nga Drejtoria e Përgjithshme e Policisë së Shtetit, që të marrin masa për të qenë në takimet që do të bëjë Ministri I ri I Brendshëm qark pas qarku. Email ky që nuk prek pjesën tjetët të punonjësve të Policisë, por vetëm strukturat drejtuese, kryesisht në ditët ku Ministri ka planifikuar takimet për t’u njohur nga afër me secilën strukturë. Prej disa ditësh ka qarkulluar një lajm, sipas të cilit asnjë punonjës policie nuk do të bëjë pushimet në muajin gusht, por duhet t’I shtyjnë ato për shkak të masave për sezonin turistik. Gjithsesi, Top Neës mëson po ashtu se lejet do të vazhdojnë si ccdo vit, ku punonjësit e Policisë do të shkojnë të pushojnë me grafik, në mënyrë që edhe rendi e siguria të jenë të garantuara, por edhe ata të kenë mundësi të kryejnë lejet e tyre vjetore.