Vladimir putin i është hakërryer publikisht një ministri të tij gjatë një takimi të transmetuar në televizionin shtetëror, pasi sanksionet si pasojë e luftës në ukrainë kanë shkaktuar probleme të reja ekonomike për presidentin rus. Duke folur në një takim online me zyrtarët e qeverisë, lideri rus u shfaq i zemëruar dhe gozhdoi zëvendëskryeministrin Denis Manturov, njëherësh edhe ministër i tregtisë dhe industrisë dhe përgjegjës për mbikqyrjen e industrisë së armëve dhe të mbrojtjes së rusisë si edhe furnizimin me pajisje të trupave që po luftojnë në ukrainë. Putin e kritikoi atë se po punonte shumë ngadalë në lidhje me kontratat e vendit për avionë, sipas një transkripti të bisedës të publikuar më pas nga Kremlini. Manturov, që e ka shoqëruar presidentin në disa udhëtime dhe besohet se ka mbështetjen e tij, u përpoq të justifikonte vonesat duke shpjeguar se ministria e tij duhej të ndërtonte motorë helikopterësh në Shën Pjetërburg, ndërkohë që më parë ata prodhoheshin në ukrainë...por putin iu kthye: Po vonon shumë...unë kërkoj të nxitohet më shumë...