Deputeti Erion Braçe e lidh bllokimin e punimeve të Kuvendit nga opozita, me procesin gjyqësor për aferën e privatizimit të ish kompleksit Partizani, për të cilën u caktuan masat e sigurisë ndaj Sali Berishës dhe dhëndrit të tij Jamarbër Malltezi. Pas përfundimit të mbledhjes së Komisionit të Ekonomisë, Braçe ndau me bujqit përfitimet nga përjashtimi nga skema e TVSH-së, ku ndër të tjera shprehet: “Mbledhja u bë, Sali Berisha nuk na bllokon dot. Kush hyn e kush del nga burgu, punë e drejtësisë. Puna jonë zgjidhje për njerëzit.” Mbledhja online u zhvillua nën drejtimin e kryetarit Eduard Shalsi, ku në cilësinë e komisionit përgjegjës u shqyrtuan projektligji “Për buxhetin e vitit 2024”, si dhe katër projektligje të Paketës Fiskale. Ministri i financave Ervin Mete u shpreh se projektbuxheti i vitit 2024 tejkalon për herë të parë 7 miliardë euro shpenzime publike të planifikuara dhe një zbritje të borxhit publik nën nivelin 60%.