Sali Berisha thotë se qytetarët janë kundër qeverisë së Edi Ramës, por se ata nuk dalin te protestat e Partisë Demokratike jo se nuk mbështesin kauzën e opozitës, por se kanë frikë nga pasojat që mund të kenë nga pushteti. Farmacisti nuk del në protestë sepse të nesërmen nuk e hap dot farmacinë. Noterit i hiqet licenca, etj, etj. Pra, sot është koha të bëni një analizë. U bë një protestë e shoqërisë civile, e thirrur nga gazetarë të nderuar, pa interesa partiake. U bë për një nga çështjet më të mprehta që prek xhepat e çdo shqiptari. U bë për çmimin e naftës kundër taksës për litrin e naftës që është më e larta në botë. Kush doli i dashur mik? 10 qytetarë. Jo se ata nuk kanë problem naftën, por problem kanë frikën qytetarët. Ndaj dhe ne u bëjmë thirrje. Por kjo nuk do të thotë se ne nuk do punojmë shumë në atë drejtim. Megjithatë, midis alternativës të heshtjes si ata apo të ngritjes në këmbë fuqishëm kundër regjimit, kjo e dyta është jetike, vendimtare për opozitën dhe vendin.