Presidenti i SHBA-së Donald Trump urdhëroi ushtrinë amerikane të enjten që të rifillojë menjëherë testimin e armëve bërthamore pas një ndërprerjeje prej 33 vitesh. Por, sa teste armësh bërthamore ka pasur, pse u ndaluan ato dhe pse dikush do t'i fillonte ato përsëri? SHBA hapi epokën bërthamore në korrik 1945 me provën e një bombe atomike 20 kilotonëshe në Alamogordo, Neë Mexico, në korrik 1945, dhe më pas lëshuan bomba atomike në qytetet japoneze të Hiroshimës dhe Nagasakit në gusht 1945 për të detyruar Japoninë të dorëzohej në Luftën e Dytë Botërore. Bashkimi Sovjetik tronditi Perëndimin duke shpërthyer bombën e tij të parë bërthamore vetëm katër vjet më vonë, në gusht të vitit 1949. Në pesë dekadat mes vitit 1945 dhe Traktatit Gjithëpërfshirës të Ndalimit të Testeve Bërthamore të vitit 1996, u kryen mbi 2,000 teste bërthamore, 1,032 prej tyre nga Shtetet e Bashkuara dhe 715 nga Bashkimi Sovjetik. Britania kreu 45 teste, Franca 210 dhe Kina 45.