Serbia u përfaqësuar në Samitin e Bashkimit Europian me Ballkanin Perëndimor nga kryeministrja Ana Brnabiç. Burime për median ‘European Western Balkans’ në Serbi konfirmuan se në adresë të presidentit Aleksandër Vuçiç mbërriti një ftesë nga Brukseli për t’ju bashkuar samitit të nivelit të lartë, por vendimi i autoriteteve në Beograd ishte që në vend të presidentit të merrte pjesë kryeministrja. Qeveria serbe njoftoi pak orë para samitit se kryeministrja do të merrte pjesë në samit dhe do të kishte takime bilaterale me disa zyrtarë evropianë. Sipas Presidencës serbe, Vuçiç kishte axhendë elektorale këtë të mërkurë, ku mbajti fjalim e tij në Novi Sad në një tubim eletoral nën siglën “Aleksandar Vuçiç, Serbia nuk duhet të ndalet”.