Rreth 150 blegtorë nga Gjirokastra, Saranda, Delvina dhe tw tjera këtë të enjte janë ngritur në një protestë me qëllim rritjen e cmimeve të qumështit. Sipas tyre, produktet e bulmetit po qëndrojnë në të njejtat nivele si para 5 apo 6 viteve, ndërsa kanë kërkuar rritjen e cmimeve. Blegtorët thonë se ata dalin me humbje për shkak të rritjes së cmimeve të produkteve që janë në funksion të blegtorisë, produkte të tilla si, misri, bari, nafta, medikamentet etj. Protesta e tyre e cila është zhvilluar në orët e para të mëngjesit të kësaj të enjte dhe i drejtohet ministrisë së bujqësisë, me qëllimin e vetëm që të gjendet një zgjidhje lidhur me problematikën e tyre. Blegtorët kërkojnë rregullimin e tregut të qumështit ndërsa kanë paralajmëruar se nuk do të çojnë më qumësht në punishte nëse nuk do të merren masa. Ata shtojnë se kjo problematikë vlen për të gjithë blegtorët.