Ilir Meta rrëzon çdo hamendësim se largimi i avokatit Kujtim Cakrani lidhet me mbrojtjen që ky i fundit i bëri Monika Kryemadhit gjatë seancës se fundit në GJKKO, ku kreu i Partisë së Lirisë akuzoi ish bashkëshorten e tij dhe kushëririn e saj, Adrian Shatku kanë komplotuar kundër tij. Përmes Sekretarit të Përgjithshëm të PL, Tedi Blushi, Meta ka ndarë me publikun letrën e firmosur nga qelia, me anë të së cilës ka njoftuar avokatin Kujtim Cakrani për vendimin e ndërprerjes së marrëdhënieve mes tyre. Në letër, Meta thotë se ka vendosur të ndërpresë marrëdhënien me të për shkak se dëshiron një avokat që të merret vetëm me dosjen e tij, teksa sipas Metës, Cakrani ka qenë i angazhuar me çështje të tjera.