Moldavia është vënë së fundmi në shënjestër të një politike agresive ruse. Por cfarë interesi ka moska atje? Në vizitën e tij në poloni, presidenti amerikan, Joe Biden, takoi përfaqësuesit e nëntë vendeve lindore dhe qendrore të evropës që janë pjesë e NATO-s, e mes tyre kishte ftuar edhe presidenten moldave, megjithëse Moldavia nuk është anëtare e aleancës. Por biden, iu drejtua vecanërisht presidentes moldave duke thënë: "Jam krenar të qëndroj në krahun tuaj dhe të popullit liridashës moldav". E pas këtij veprimi, ka një arsye serioze: Moldavia, gjeografikisht ndodhet mes Ukrainës dhe veriperëndimit të Rumanisë dhe prej kohësh ajo trembvet se mund të bëhet viktima e radhës e agresivitetit të rusisë dhe e sheh veten të kërcënuar gjithnjë e më shumë nga Moska. Në fillimin e javës presidenti rus anuloi një dekret nga viti 2012, në të cilin Kremlini garanton sovranitetin dhe integritetin e Republikës së Moldavisë. Më herët, presidenti ukrainas, Volodimir Zelensky kishte paralajmëruar, se Rusia kërkon të kryejë një grusht shteti ndaj lidershipit proeuropian në moldavi. Kurse nga Moska të enjten u tha, se Ukraina planifikon një ndërhyrje ushtarake në Moldavi. Por pse po ndodh e gjithë kjo. Moldavia ishte vendi i parë pas shpërbërjes së Bashkimit Sovjetik, ku Rusia duke mbështetur separatistët provokoi një luftë të përgjakshme disa mujore dhe më vonë krijoi një konflikt të ngrirë. Në Transnistri, një rrip i hollë toke në lindje të moldavisë, prej më shumë se tre dekadash janë në kontroll forca proruse. Vec kësaj atje janë vendosur 2000 ushtarë rusë. Në 1999 Moska garantoi me shkrim tërheqjen e trupave nga Transnistria, por nuk e zbatoi kurrë marrëveshjen. Me fillimin e luftës në Ukrainë, rëndësa strategjike e Transnistrisë u rrit edhe më shumë. Rusia mund të hapë që këtu një front perëndimor drejt Ukrainës. Ose të paktën të shkaktojë një kaos politik të brendshëm kaq të madh në Moldavi, saqë ky vend të kthehet në një krizë serioze në kufirin jugperëndimor të NATO-s dhe në perëndim të Ukrainës. Edhe forcat separatiste mund të kenë interes për një skenar të tillë. Tani Moldavia po diskuton hapur për ndryshimin në kushtetutë të statusit të neutralitetit të saj. Madje, forcat e armatosura të vendit, në gjendje të vështirë, po armatosen. Ukraina thotë se është në krah të fqinjit të saj, nëse atje moska do të ndezë një konflikt. Por që ukraina planifikon pushtimin e moldavisë, sic thotë moska, kjo është një akuzë absurde dhe më shumë ngjason me një pretekst për Kremlinin.