Nga Lezha ku zhvilloi takimin e radhës me sociaistët, në kuadër të 35-vjetorit të PS, kryeministri Edi Rama edhe njëherë tjetër nuk i kurseu akuzat në drejtim të kundërshtarëve politikë, me argumentin se kanë punuar kurdoherë kundër interesave të vendit. Partia Socialiste gjendet përballë një fronti kundërshtarësh që nuk lënë gjë pa thënë ndaj përfaqësuesve të saj. Nuk kanë lënë gjë pa thënë në krye të herës, nuk lënë gjë pa thënë sot dhe nuk do të lënë gjë pa thënë deri kur do të jenë ata që janë humbësit kronikë dhe shpirti i shkatërrimit në politikën shqiptare. Ata e sulmuan brutalisht Partinë Socialiste si parti e lidhur me Serbinë, si parti shërbëtore e Beogradit, por e vërteta tregoi diçka krejt tjetër që pikërisht ata që rrihnin gjoksin ditën dhe gjuanin me gurë Partinë Socialiste, natën thyenin embargon e botës demokratike ndaj Sllobodan Millosheviçit dhe furnizonin me naftë makinerinë e tij të spastrimit etnik. Sipas Ramës, vetëm PS ka bërë të mundur realizimin e reformave thelbësore, duke nisur nga ajo e drejtësisë, që po ofron barazi para ligjit pë rtë gjithë.