Partia Socialiste ka shtyrë për pas zgjedhjeve të pjesshme vendore mbajtjen e Kongresit të saj, të parashikuar për t’u zhvilluar në fund të janarit. Vendimi është marrë në mbledhjen e Kryesisë së Partisë Socialiste këtë të enjte dhe ai është marrë për të shmangur futjen e degëve të partisë në një process riorganizimi në prag të zgjedhjeve dhe pakënaqësitë e mundshme që mund të shkaktonte ky riorganizim në bazë. Kongresi I thirrur nga kryesocialisti Rama pritet të dalë me disa vendimmarrje të rëndësishme sa I takon riorganizimit të brendshëm të PS-së, përfshirë këtu edhe ndryshimet në statut. Megjithatë, pjesë e ndryshimeve mund të përfshihen edhe emrat në forumet drejtuese të socialistëve. Një ditë më parë, presidenti u konsultua për zgjedhjet me kreun e grupit parlamentar socialist, Taulant Balla për zgjedhjet që pritet të mbahen në 6 bashki të vendit.