Më 21 mars do të mblidhet Asambleja e Partisë Socialiste, për t’i hapur rrugën një procesi zgjedhor, ripërtërirës brenda kësaj force politike, në 35 vjetorin e themelimit të saj. Detajet i dha sekretari i përgjithshëm, Blendi Klosi pas mbledhjes së kryesisë. Klosi: “Mbledhja e sotme e kryesisë ishte një mbledhje pune e Partisë Socialiste, duke i hapur rrugë thirrjes së asamblesë kombëtare në 21 mars, një asamble që do përcaktojë një program të detajuar zgjedhor për PS. Viti ku jemi do të kërkojë një process zgjedhor në të gjithë strukturën e PS dhe ky process do fillojë me zgjedhjen e kryetarëve të organizatave, forument lokale të PS. Një proces që është bërë i çdo dy vitshëm në PS, një proces i riforcimit të gjithë strukturës së PS. Të gjitha këto zhvillime bëhen në vitin e 35-të të jetës së partisë sonë. Më 12 qershor të këtij viti shënohet 35-vjetori i PS, dhe gjithë procesi do të kurorëzohet në këtë datë me një rivlerësim të gjithë kontributeve të anëtarësisë së PS, themeluesve, kontribuuesve dhe natyrisht anëtarëve të rinj të partisë.” Zgjedhjet brenda Partisë Socialiste këtë vit do të kenë një dimension të ri.