Partia Socialiste propozoi në Komisionin e Ligjeve ndryshimet e saj në draftin për Kodin Zgjedhor. Duke argumentuar se propozimet per ndryshime ne draftin fillestar jane formule e kompromisit mes paleve, PS merr aty ne konsiderate uljen e pragut që duhet të arrijnë subjektet zgjedhore për të përfituar nga shpërndarja e mandateve nga 3% në 1%. Qëllimi I një lëvizjeje të tillë sipas saj është arritja e një konsensusi sa më të gjerë. Sa i takon shpërndarjes së mandateve për kandidatët fitues të listë, parashikohet që renditja e kandidatëve që përfitojnë mandat ndryshon nëse kandidati ka marrë një numër votash parapëlqyese më të madh se HERËSI që del nga pjestimi i numrit të votave të subjektit me numrin e mandateve të fituara nga subjekti sipas nenit 162 të këtij Kodi, por JO MË SHUMË SE 10,000 VOTA. Ndryshimi i tretë ka të bëjë me detyrimin për RI-RËNDITJEN E PJESËS SË PARË TË LISTËS që korespondon me mandatet e fituara ashtu sikurse ri-renditjen e pjesës së dytë të listës, bazuar mbi rezultatin e votave preferenciale. Ndryshimi i katërt parashikohet në nenin 67, ku përcaktohet se kryetari i partisë garuese në zgjedhje kur ajo konkuron e vetme, ose partisë udhëheqëse të koalicionit kur garojnë disa parti sëbashku në një listë, mund të regjistrohet njëkohësisht deri në katër zona zgjedhore. Në draftin e PS-së sakaq, të gjitha nenet e tjera të amendamenteve, përfshirë ato që kanë të bëjnë me përkufizimin për koalicionet mbeten të njëjta me propozimin fillestar të saj, të bërë publik e të depozituar në Kuvend.