Pavarësisht protestave, socialistët janë të vendosur të ecin përpara me propozimin e tyre për hartën e re administrative territoriale. Në komisionin e ligjeve, demokratët kërkuan referendum për këtë çështje, duke shtuar se mos-shoqërimi i nismës me opinionin e qytetarëve që preken nga shkrirja e bashkive, është anti-kushtetuese. Bylykbashi: “Nuk ka instrument më të mirë sesa referendumi. Nëse ka bombë që shpartallon themelet e kushtetutës është ky ligji këtu. Nuk pyesni popullsinë. Ju janë çuar në protestë. Ju janë çuar këshillat bashkiakë. Konsultimi duhet bërë në mënyrë efektive, substanciale. Pr.ligji është në kundërshtim me kushtetutën. Kërkoj që ky komision të votojë tani që ne tja çojmë këtë pr.ligj kryetarit të kuvendit që tja kthejë nismëtarëve këtë draft.” Boçi: “Të ndërpritet puna. Kjo reformë bëhet me konsensus nuk është reformë politike. A nëse ju e pranoni edhe publikisht që e bëni vetëm për vota politike, bëjeni se përgjigjen do e merrni në një formë apo në një tjetër. Përgjigjen po e merrni në bulevard, me shërbimin informativ, me partnerët. Në politikë lexohet kollaj se çfarë po vjen, çfarë tërmeti ju pret.” Korreshi: “Bajromi dini gjë nga është? Se duhet të ishte këtu në këtë sallë të bënte mbledhjen e këshillit të sigurisë. Të tjerat janë kot, ju keni vendosur.. sikur do na pyesni ne. Ka rënë shteti sot, o bosa.” Përgjigjen e morrrën nga kryetari i komisionit të ligjeve, Ulsi Manja, i cili nënvizoi se procesi i konsultimit me qytetarët është duke vijuar dhe brenda 29 gushtit do të vijnë qëndrimet e tyre në Kuvend.