Partia Socialiste do të mbledh të dielën Kongresin ku në thelb do të diskutohet për zgjedhjet e vitit të ardhshëm. Pas dy shtyrjeve, pas procesit të rienergjizimit socialistët do të zgjedhin asamblenë e përgjithshme që mban rreth 400 anëtarë. Me kërkesë të kryetarit të PS Edi Rama, për herë të parë në asamblenë e re nuk do të zgjidhen persona që janë emëruar në krye të drejtorive të ndryshme. Ndërkohë vetë Rama gjatë Kongresit do të shpalosë dhe të gjitha objektivat për parlamentaret e 2025, po ashtu do të zgjidhet edhe sekretariati I ri që u shkarkua nga Rama. Në kongres, sipas Top Channel, parashikohet të ketë edhe dy panele ku do të flitet për mirëqeverisjen, antikorrupsioni, turizimin. Sikurse do ti bëhet një analizë çfarë ka arritur në këto tre vite qeverisja socialiste e cila është në pushtet përmes një mandati te tretë qeverisës. Ndërkohë nuk përjashtohet as mundësia që Rama të thotë emrin pasues të Lindita Nikollës pas dorëheqjes së dhënë prej kësaj të fundit nga drejtimi I Kuvendit.