Partia Socialiste mblodhi këtë të hënë grupin Parlamentar, që shënoi dhe takimin përmbyllës për këtë vit. Në fokus ishin përgatitejet për seancën plenare të së entjes, e cila ka një axhendë të ngarkuar dhe të rëndësishme. Gjatë diskutimeve, u theksua pozicioni i Grupit Parlamentar të PS-së në lidhje me draft-ligjet që pritet të shqyrtohen. Mësohet se një vëmendje e veçantë iu kushtua projektligjit për Mbrojtjen e të Dhënave Personale, i cili është plotësisht i përafruar me acquis communautaire të Bashkimit Europian. Ky draft synon të përmirësojë ndjeshëm trajtimin dhe mbrojtjen e të dhënave personale, duke garantuar përputhshmërinë me standardet më të avancuara ndërkombëtare dhe duke forcuar privatësinë e qytetarëve shqiptarë. Partia Socialiste po ashtu thotë se është e vendosur që të vazhdojë me vendosmëri përmirësimin e kuadrit ligjor në shërbim të qytetarëve, duke forcuar besimin në institucione dhe duke siguruar mbrojtjen e të drejtave themelore të çdo individi.