Pas dështimit për herë të parë në 35 vite, të seancës maratonë të shpalosjes së programit qeverisës katër vjeçar, u refuzua në konferencën e kryetarëve edhe kërkesa e opozitës për mocion me debat, lidhur me programin qeverisës dhe çështje që lidhen me integrimin. Kreu i grupit demokrat, Gazment Bardhi e konsideron këtë një tentativë për ta bërë Kuvendin memec, teksa kryetari i grupit parlamentar të Partisë Socialiste, Taulant Balla garantoi se çdo kërkesë do të pranohet nëse shkruhet brenda parametrave të rregullores së kuvendit. Bardhi: “Sot u rrëzua edhe alibia e trashë që opozita nuk dëshironte debat, se prishi seancë, vota e sotme në konferencë e kur dëshmuan qartë se kush janë ata që i ikin debatit parlamentar e kush e do Kuvendin të jetë memec. Është e paimagjinueshme për çdo parlament në vend demokratik, që qeveria ti ikë debatit për prioritetet e qeverisë.”