Në Strasburg nuk pati tym të bardhë gjatë votimit të rezolutës për Shqipërinë. Socialistët dhe demokratët nuk arritën të konsensusin e përbashkët. Për këtë i faturuan përgjegjësinë njëri-tjetrit. Opozita argumenton se shkak për shtatë votat e tyre kundër, u bë fakti se mazhoranca nuk përqafoi tridhjetë amendamentet e paraqitura nga Partia Demokratike. PD: “Komiteti Parlamentar për Stabilizim-Asociim Shqipëri–Bashkimi Evropian nuk arriti të miratojë një rezolutë të përbashkët për procesin integrues të Shqipërisë. Arsyeja ishte refuzimi nga përfaqësuesit e mazhorancës i më shumë se 30 amendamenteve të paraqitura nga Partia Demokratike, amendamente që në thelbin e tyre përmbanin kriteret dhe kërkesat jetike për avancimin e procesit të integrimit evropian. Mazhoranca votoi kundër propozimeve që synonin intensifikimin e luftës kundër korrupsionit, heqjen dorë nga mbrojtja politike që u ofrohet zyrtarëve të akuzuar për korrupsion, zbatimin e vendimeve të gjykatave, në veçanti të Gjykatës Kushtetuese, si dhe forcimin e mekanizmave të kontrollit, transparencës dhe llogaridhënies.”