Socialistët kërkojnë përjashtimin me 60 ditë të Agron Shehajt nga punimet parlamentare dhe referimin e tij në SPAK për veprën penale të vjedhjes apo përvetësimit në mënyrë të paligjshëm të dokumentit konfidencial të kredisë 302 milionë dollarë për sigurinë nga salla e kuvendit. Në shkresën drejtuar sekretariatit të etikës, socialistët thonë se Shehaj u paraqit në sallën “Gerti Bogdani” dhe në shkelje të ligjit insistoi ta merrte kopjen fizike me vete. Stafi i Kuvendit e sqaroi se, në zbatim të ligjit materiali mund të lexohej vetëm brenda sallës dhe kopja nuk lejohej të dilte prej sallës. Deputeti nuk pranoi këtë sqarim ligjor, e grabiti me forcë materialin dhe u largua bashkë më të. Këshilltarja e ndoqi deputetin dhe në përpjekje për ta ndaluar dhe ta rimarrë dokumentin, u rrëzua nga shkallët dhe pësoi lëndime të rënda. Këto sjellje - argumentojnë socialistët - cënojnë rëndë dhe në mënyrë të patolerueshme sigurinë e stafit të Kuvendit gjatë ushtrimit të detyrave të tyre. Sjellja e deputetit duke marrë më forcë dhe duke nxjerrë jashtë sallës dokumentin e klasifikuar përbën shkelje të rëndë të legjislacionit për informacionin e klasifikuar. Në këto kushte i kërkohet sekretariatit të etikës, përjashtimi me 2 muaj i deputetit Shehaj nga pjesëmarrja në komisione dhe seanca plenare, për sjellje të përsëritura të dhunshme dhe agresive si dhe referimi i këtij rasti pranë Prokurorisë së Posaçme Antikorrupsion.