Këtë të martë është zhvilluar provimi i dytë i Maturës Shtetërore, ku mbi 27 mijë maturantë janë testuar në njohuritë e gjuhës shqipe dhe letërsisë. Pas testit të gjuhës së huaj më 3 qershor, ky është provimi i dytë i detyrueshëm që nisi në orën 10:00. Maturantët kanë patur në dispozicion 2 orë e gjysmë kohë për t’u dhënë zgjidhje pyetjeve me alternativa dhe zhvillim të provimit. Maturantët janë paraqitur në shkolla që prej orës 08:00, të pajisur me një dokument identifikimi, kartë ID ose pasaportë, ndërsa ashtu si dhe në provimet e tjera ka qenë rreptësisht mbajtja e telefonave apo orëve inteligjente.