Emmanuel Macron dhe bashkëshortja e tij, Brigitte, po planifikojnë të paraqesin prova fotografike dhe shkencore në një gjykatë amerikane për të vërtetuar se zonja Macron është grua. Avokati i tyre thotë se presidenti francez dhe znj. Macron do të paraqesin dokumentacionin në një padi për shpifje që kanë ngritur kundër influencueses së krahut të djathtë Candace Oëens, pasi ajo promovoi bindjen e saj se Brigitte Macron ka lindur mashkull. Avokatët e Oëens janë përgjigjur me një mocion për të rrëzuar pretendimin. Duke folur për podkastin Fame Under Fire të BBC-së, avokati i Macronëve në këtë rast, Tom Clare, tha se znj. Macron i kishte konsideruar pretendimet "jashtëzakonisht shqetësuese" dhe se ato ishin një "shpërqendrim" për presidentin francez. "Nuk dua të sugjeroj që kjo e ka nxjerrë nga loja në një farë mënyre. Por, ashtu si çdokush që po përballet me një karrierë dhe një jetë familjare, kur familja juaj është nën sulm, kjo ju lodh. Dhe ai nuk është imun ndaj kësaj vetëm sepse është president i një vendi", tha ai. Avokati tha se do të ketë "dëshmi ekspertësh të cilat do të jenë të natyrës shkencore" dhe ai tha se çifti ishte i përgatitur të demonstronte plotësisht se akuzat janë të rreme pa hyrë më thellë në detaje. Candace Oëens, një ish-komentuese për median konservatore amerikane Daily Ëire, e cila ka miliona ndjekës në mediat sociale, ka promovuar vazhdimisht pikëpamjen e saj se Brigitte Macron është burrë. Akuza sidoqoftë është shfaqur online vite më parë, veçanërisht përmes një videoje në YouTube në 2021, nga blogeret franceze Amandine Roy dhe Natacha Rey. Macronët fillimisht fituan një cështje për shpifje në Francë kundër Roy dhe Rey në vitin 2024, por vendimi u rrëzua në apel në 2025 për arsye të lirisë së shprehjes, jo në bazë të së vërtetës. Macronët po e apelojnë vendimin.