Google ka hequr një aplikacion në celular, i cili duket se është përdorur për të mbledhur të dhëna private nga bjellorusët që kanë marrë pjesë në protesta. Aplikacioni i quajtur NextaLive, qëndroi për rreth tre javë në Play Store-in të Google, dhe u shkarkua mijëra herë e mori qindra komente. Ai u prezantua si aplikacion zyrtar për Nexta, një agjensi e pavarur bjelloruse lajmesh e cila ka fituar shumë popullaritet në mesin e tubuesve kundër Lukashenkos, pasi ka ekspozuar brutalitetin dhe abuzimet e policisë gjatë demonstratave të fundit anti-qeveritare në vend. Megjithatë, në një deklaratë të saj së fundi, Nexta sqaroi se aplikacioni nuk lidhej me shërbimet e veta dhe se ishte krijuar nga të panjohur për të mbledhur të dhëna mbi përdoruesit e tij dhe të identifikonte personat që dilnin në protestë. Për momentin, ende nuk ka prova të qarta që të tregojnë se kush e instaloi aplikacionin e rremë celular në Google, por një pjesë e madhe e dëmit është bërë pasi janë marrë informacione personale nga shumë përdorues, ndërsa eksperti I teknologjisë Gabriel Cirlig I tha ZDNet se aplikacioni duket të komunikojë me një adresë IP-je ruse.