Dita e katërt e protestës para Kryeministrisë nisi me tensione. Policia kishte vendosur kordone me gardhe metalik për shkak të masave të marra për ndeshjen që kombëtarja do të zhvillonte me Izraelin. Por këto masa shjkaktuan irritim në radhët protstuesve të cilët si çdo herë nisën marshimin nga sheshi Skënderbej drejt Kryeministrisë. Pavarësisht pengesës, protestuesit nuk u ndalën dhe një grup prej tyre çau kordonin. Për disa minuta efektivët u përplasën me protestuesit, ndërkohë tre makina me ujë u afruan drejt turmës dhe hodhën ujë, Pavarësisht se mes protestuesve kishte gra dhe fëmijë. Por protestuesit nuk u stepën dhe vijuan të përparonin. Ndërkohë policia u step pas dhe krijuar një gardh sigurie para Kryeministrisë, ndryshe nga herët e tjera, ku efektivët gjatë mbarëvajtjes së tubimit kanë qenë të pakët.