Mijëra njerëz kanë dalë në rrugët e Madridit në “Marshimin për Dinjitet”, duke protestuar për situatën e emigrantëve në Ceuta dhe duke kërkuar masa më të ashpra nga qeveria spanjolle. Në marshim morën pjesë edhe përfaqësues të Partisë Popullore dhe Vox. Kreu i Vox, Santiago Abascal, kërkoi që emigrantët që kanë mbërritur në Ceuta të kthehen në vendet e tyre të origjinës. Ai akuzoi kryeministrin Pedro Sanchez se nuk po e menaxhon krizën dhe se po lejon, sipas tij, rritjen e fluksit të emigrantëve. Protesta vjen pas hyrjes masive të emigrantëve në Ceuta gjatë muajve të fundit. Në një tjetër marshim të zhvilluar më herët, organizatorët pretenduan se morën pjesë deri në 120 mijë persona, ndërsa autoritetet thanë se numri ishte rreth 40 mijë. Protesta kundër politikave të qeverisë për emigracionin janë zhvilluar edhe në qytete të tjera të Spanjës, ndërsa opozita vijon të kërkojë ndryshimin e politikave dhe zgjedhje të parakohshme.