Kryetari i grupit parlamentar I Partisë Demokratike, Gazment Bardhi akuzoi policinë e shtetit se braktisi gjyqtarët dhe prokurorët e SPAK këtë të mërkurë. Sipas tij, ky është një akt I paprecedentë presioni nga pushteti. “Braktisja nga Policia e Shtetit e gjyqtarëve dhe prokurorëve në krye të detyrës është krim i rëndë shtetëror! Mosprezenca e Policisë së Shtetit në grumbullimin e paligjshëm të punonjëve të Bashkisë së Tiranës në GJKKO dhe SPAK, është një akt i paprecendent presioni nga pushteti. I bëj thirrje punonjësve të ndershëm të Policisë së Shtetit, që të refuzojnë zbatimin e urdhrave të paligjshëm dhe jenë në krye të detyrës, me përkushtim ndaj Shqipërisë dhe të ardhmes së saj europiane.”, shkroi ai në rrjetet sociale. Më tej ai pati dhe një mesazh për kryeministrin. “Edi Rama duhet të heq dorë menjëherë nga metodat kriminale të presionit ndaj gjyqtarëve dhe prokurorëve në detyrë. Kjo është Republika e Shqipërisë, jo shteti privat i mafiozit Edi Rama!” nënvizoi ai.