Policia e Tiranës njoftoi procedimin penale për 27 persona, pjesëmarrës në protestën e paautorizuar prej saj që u shoqërua me përplasje ditën e hënë te gjimnazi Qemal Stafa. 12 prej të procedurave u është komunikuar masa e arrestimit, ndërsa për 15 të tjerë policia ka referuar në prokurori materialet për procedim në gjendje të lirë. Personat në fjalë morën pjesë në tubimin e mbajtur ditën e hënë pranë dhe brenda ambienteve të Gjimnazit Qemal Stafa duke u bërë thirrje nxënësve për bojkotimin e procesit mësimor dhe pjesëmarrje në tubimin dhe duke cenuar perimetrin e sigurisë në shkollë. Pavarësisht thirrjeve të punonjësve të Policisë për largimin nga perimetri i sigurisë në shkollë dhe për lirmin e trotuarit për kalimin e qytetarëve, disa prej pjesëmarrësve në tubim, thotë policia, nuk iu bindën urdhrave dhe kundërshtuan me forcë punonjësit. Për këtë ngjarje, drejtori i përgjithshëm i Policisë së Shtetit, Skënder Hita pezulloi nga detyra një efektiv, i cili gjatë shoqërimit të një protestuesi u filmua teksa e godiste atë me grusht.