Policia në Londër njofroi se kishte arrestuar të shtunën 155 persona, në përpjekje për të shpërndarë protestat kundër masave kufizuese dhe vaksinës për COVID-19. Policia tha se arrestimet ishin bërë për vepra të ndryshme duke nisur nga sulmet ndaj një oficeri policie, posedim substancash narkotike si dhe shkelje të kufizimeve lidhur me koronavirusin. Izolimi aktual i Anglisë përfundon më 2 dhjetor. Më herët forcat e policisë u rreshtuan në një numër rrugësh në lagjen qendrore të Londrës në Ëest End dhe u përballën me turmat e protestuesve në parkun St James's Park, pranë Ëestminster. Protestuesit kundër masave bllokuese u bashkuan me grupe të tjera demonstruesish që kundërshtojnë vaksinën kundër COVID-19-s. Sipas një oficeri policie bëhej fjalë për rreth 300 apo 400 protestues, të cilët mbanin pankarta me mbishkrimet "Mbroni Lirinë, Mbroni Njerëzimin", "Jo më gënjeshtra, jo më maska, jo më bllokime".