Episodet e dhunës të regjistruara në protestën e thirrur nga studentët, ku nuk u evituan përplasjet me policinë kanë ndarë mazhorancë dhe opozitës. Zëvendëskryeministrja Albana Koçiu e quajti të trishtë këtë situatë ndërsa dhuna sipas saj ishte e orkestruar. Numri dy I qeverisë thekson se dhuna nuk ka qenë dhe nuk do të jetë kurrë zgjidhje. “E trishtë të shohësh se si kultura e protestës degradon në një dhunë të orkestruar dhe, me sa duket, të “provokuar” rëndë nga pllakat e trotuareve. Dhuna nuk ka qenë, nuk është dhe nuk do të jetë kurrë zgjidhje. Zhurma e gurëve, sulmet ndaj institucioneve dhe Policisë së Shtetit, si dhe shkatërrimi i pakuptimtë i pronës publike, nuk janë gjuha me të cilën i ka hije rinisë të shprehet, por zakoni i vjetër i atyre që i përdorin të rinjtë për të mbuluar paaftësinë e tyre politike.”, shkroi në Facebook zv/kryeministrja, Ndërkohë kreu I grupit parlamentar I PS, Taulant Balla tha se nuk ka studentë me maska dhe nxënës që trhyejnë dritaret e shkollës. Nga ana tjetër kreu demokrat Sali Berisha dënoi dhunën ndaj studentëve duke akuzuar policinë se po ushtron terror ndaj të rinjëve.