Policia e Lezhës në bashkëpunim me komisariatin e Mirditës kanë shoqëruar 33 shtetas si pjesëmarrës në protestën e organizuar paraditen e së dielës në fshatin thirrë në jësinë administrative të fanit. Sipas njoftimit të policisë shtetasite shoqëruar penguan qarkullimin e mjeteve të transportit dhe nuk i'u bindën urdhrit të punonjësve të Policisë. Këta shtetas kanë protestuar në mënyrë të paligjshme në afërsi të tunelit të Kalimashit, në fshatin Thirrë, Mirditë duke bllokuar lëvizjen e mjeteve në aksin Milot-Morinë, si dhe nuk i janë bindur urdhrit të punonjësit të Policisë për të zbllokuar qarkullimin e automjeteve. Pas hoqërimit në polici ndaj 33 shtetasve në fjalë ka filluar procedimi penal në gjendje të lire. Më tej hetimi në ngarkim të tyre do të vijojë nga ana e prokurorisë së Lezhës. Protesta e organizuar në fshatin Thirrë nga banorët kishte si qëllim kundësrhtimin e ndërtimit të një hidrocentrali në zonën e tyre me arsyetimin se u janë falsifikuar firmat dhe nga ndërtimi i këtij heci kanë dëme të shumta. Protestuesit bllokuan Rrugën e Kombit dhe janë përplasur me punonjësit e policisë. Pjesëmarrësit në protest mbanin pankarta në duar. Në mbështetje të tyre kishin ardhur edhe banorët e Zallë Gjoçajt që gjithashtu ata prej kohësh protestojnë kundër ndërtimit të heceve.