Propozimi I ri I Partise Socialiste per ndryshimet ne kodin Zgjedhor nuk e ka bindur opozitën parlamentare. Rudina Hajdari e cilësoi këtë lëvizje si “fyese dhe një hile; për deputeten nuk bëhet fjalë për dicka të re, thjesht një artikulim ndryshe të propozimit të mëhershem. Praktikisht, është i njëjti propozim si ai i mëparshëm, thjesht i artikuluar ndryshe me më shumë hile dhe truke brenda. Është për t’u keqardhur se si Parlamenti nga një institucion serioz i cili duhet t’i shërbejë qytetarëve dhe Shqipërisë është kthyer në strehë intrigantësh që mendojnë nga mëngjesi deri në darkë se si t’ia hedhin qytetarëve. Ne nuk e pranojmë këtë propozim, ne duam lista të hapura 100%, pa truke e pa hile. Duam që deputetët t’i vendosë qytetari dhe jo kryetari. Duam demokraci reale dhe jo kryetarokraci që përdor pushtetin për të grabitur vendin e pasuruar një grusht njerëzish. Mirëqenia e Shqipërisë kalon vetëm nëpërmjet demokracisë, shtoi Hajdari, dhe për këtë ne nuk negociojmë.