Nënkryetari i Partisë Demokratike, Oerd Bylykbashi, në një konferencë me gazetarët kërkoi bashkëpunim politik për Reformën Territoriale dhe atë Zgjedhore. Sipas Bylykbashit, një prej hartuesve të reformës së mëparshme zgjedhore, konsensusi duhet të jetë i bazuar në mbi parime dhe jo pazare, në mënyrë të tillë që të sjellë një reformë që qeverisja vendore të zhvillohet në mënyrë harmonike. Ndërkohë i pranishëm në Konferencë, Sekretari për Çështjet Ligjore dhe Zgjedhore në PD, Ivi Kaso, paralajmëroi se propozimi i maxhorancës për ndarje në rajone, po tenton të përdoret si kalë troje për ndryshime të tjera kushtetuese. Ndërsa kërkoi zhvillimin paralel të dy reformave.