Një shtetas ka rënë në prangat e policisë së Lezhës, pas një konflikti me nipin e tij. Shtetasi Pjetër Nika është arrestuar pasi ka kërcënuar më armë zjarri nipin e tij për motive pronësie. Arrestimi i tij u bë i mundur nga shërbimet e Komisariatit të Policisë Lezhë dhe të Forcës “Shqiponja”, ku falë ndërhyrjes në kohë është parandaluar përshkallëzimi i konfliktit më tëj. Policia njofton se është sekuestruar arma e zjarrit pistoletë me municion luftarak, që dyshohet se e posedonte shtetasi Pjetë Nika. Më pas shërbimet e policisë kanë ushtruar kntroll në banesën e 67-vjeçarit, ku i është gjetur edhe një sasi municioni luftarak. Mësohet se Pjetër Nika do të përbalet me akuzat për veprat penale “Kanosja” dhe “Prodhimi dhe mbajtja pa leje e armëve luftarake dhe municionit”. Prkuroria e Lezhës po kryen veprime të tjera për konfliktin mes dy shtetasve.