Prokuroria e Vlorës njoftoi sekuestrimin e pasurive me vlerë totale prej 5 milionë euro, që thotë se nga hetimet ka rezultuar e përfituar në mënyrë të paligjshme. Përmes një komunikate për mediat, organi i akuzës thotë se hetimet kanë nisur në vitin 2023 pas kallëzimit të një shtetasi për veprat penale falsifikim të vulave, stampave ose formularëve dhe pastrim të produkteve të veprës penale. Kallëzimi u bë ndaj shtetasit me inicialet K.B., i vendosur më pas nën hetim, nga ku prokuroria thotë se ky shtetas përmes falsifikimit ka përfituar 3500 metra tokë arë dhe ullishte. Pas përfitimit të pronësisë së saj me dokumente të falsifikuara, shtetasi në fjalë ka shpërndarë pronësinë te familjarët e tij, duke i regjistruar në Kadastër si pronarë me pjesë të barabarta. Hetimet për rastin vijojnë, teksa dosje po shqyrtohet nga Gjykata e Vlorës, që ka miratuar kërkesën e prokurorisë për sekuestrimin e pronës në fjalë.